Biografía | |
---|---|
Nacemento | 20 de xaneiro de 1944 Houston, Estados Unidos de América |
Morte | 17 de xuño de 1989 (45 anos) Oakland, Estados Unidos de América |
Causa da morte | Cancro de mama |
Datos persoais | |
Residencia | Oakland |
País de nacionalidade | Estados Unidos de América |
Grupo étnico | Afroamericano |
Educación | Universidade Estatal de San Francisco Los Angeles City College (en) |
Actividade | |
Ocupación | escritora , poetisa , activista polos dereitos das mulleres |
Lingua | Lingua inglesa |
Obra | |
Obras destacables
| |
Pat Parker, nada en Houston (Texas) o 20 de xaneiro de 1944 como Patricia Cooks e finada o 17 de xuño de 1989,[1] foi unha poeta e activista estadounidense. Tanto a súa poesía como o seu activismo beben da súa experiencia como muller lesbiana, feminista e afroamericana.[2][3] A súa poesía fala da súa dura infancia medrando na pobreza, lidando con agresións sexuais e coa morte dunha das súas irmás.[4] Con dezaoito anos, Parker estaba nunha relación cun maltratador e tivo un aborto despois de ser empuxada por unhas escaleiras.[4] Despois de dous divorcios, saíu do armario, "abrazou a súa sexualidade" como lesbiana e "non coñeceu límites á hora de expresar as partes máis íntimas de si mesma".[4]
Parker participou no activismo político e involucrouse no partido das Panteras Negras e no Consello Revolucionario das Mulleres Negras, chegando a formar o Women's Press Collective.[5] Participou no activismo coas comunidades gay e lesbiana, contra a violencia doméstica e polos dereitos dos afroamericanos.[6] Publicou cinco coleccións de poesía: Child of Myself (1972), Pit Stop (1975), Movement in Black (1978), Woman Slaughter (1978) e Jonestown and Other Madness (1985).
© MMXXIII Rich X Search. We shall prevail. All rights reserved. Rich X Search